Madaxweynaha Somaliland Axmed Maxamed Siilaanyo, ayaa balan qaaday in Xukuumaddiisu ay gacan weyn ka geysanayso jidka isku xidha Hargeysa iyo Balligubadle oo uu caddeeyay in ay tahay waddo muhiim ah
Madaxweynaha Somaliland Axmed Maxamed Siilaanyo, ayaa balan qaaday in Xukuumaddiisu ay gacan weyn ka geysanayso jidka isku xidha Hargeysa iyo Balligubadle oo uu caddeeyay in ay tahay waddo muhiim ah oo isku xidhaysa Hargeysa iyo Xaruntii halganka ee Balligubadle oo uu maanta Xadhiga ka jaray Wejiga 1-aad ee Jidka isku xidha Hargeysa iyo Baligubadle.Jidkaasi waxaa haatan dhisan ku dhawaad 10Km.
Madaxweynaha ayaa soo dhaweyn aad u balaadhan kala kulmay dadweynaha deegaanka qaybihiisa kala duwan waxaana Madaxwyne Siilaanyo iyo xubnaha ku wehelinayay socdaalka xahig ka jarida wajiga koobaad ee wadada Baligubadle Hargeysa,ayaa munaasibad hadhimo ah loogu sameeyay duleedka koonfureed ee magaalada Hargeysa.
Madaxweynaha waxaa jidka ku soo dhaweeyay Ardayda Dugsiyada iyo Dadweyne ka tagay Magaalada Hargeysa,kuwaasi oo si diiran ugu soo dhaweeyay Munaasibada xadhig ka jarista ah.
Jidka Baligubadle ilaa Hargeysa ayaa 60KM, iyadoo haatan 5Km ee u horeeya xadhiga laga jaray, waxaana la filayaa in dhismaheedu mudo qaato.waxaa hawsheeda dedaal badan ugu jira bulshada degaanka, inkasta oo Xukumadda Lacag ilaa Boqol kun oo Doolar ah ku dartay.
Madaxweyne Axmed Siilaanyo ayaa halkaasi ka sheegay inay qayb laxaad leh ka qaadanayaan dhismaha jidkan, isagoo tilmaamay In Baligubadle tahay goob taariikh ah islamarkaana Xarun u ahayd halgankii SNM dalka a ku xoraysay.