Warning: Undefined variable $theme_path in /customers/7/e/9/maantasomaliland.com/httpd.www/wp-content/themes/city-desk/framework/functions/misc-functions.php on line 102

Wasiirka Arrimaha dibada Somaliland, Maxamed Biixi Yoonis, oo wakaalada Reuters ugu waramay Magaalada Abidjan ee dalka Ivory Coast, ayaa sheegay in xukumadda Somaliland dhamaadka sanadkan soo gabogabaynayso kala xulashada shirkaddaha wada hadalka lagula jiro ee lagu wareejinayo maamulka dekedda Berbera.

-Wasiirka Arrimaha dibada Somaliland, Maxamed Biixi Yoonis, oo wakaalada Reuters ugu waramay Magaalada Abidjan ee dalka Ivory Coast, ayaa sheegay in xukumadda Somaliland dhamaadka sanadkan soo gabogabaynayso kala xulashada shirkaddaha wada hadalka lagula jiro ee lagu wareejinayo maamulka dekedda Berbera. Waxa uu sidoo kale sheegay inuu rajaynayo in dib loo bilaabo wada hadalkii Somaliland iyo Somalia ee hore u burburay.

Wasiirka Arrimaha Dibadda Somaliland Maxamed Biixi Yoonis oo xilligan socdaal ku jooga magaalada Abidjan ee dalka Ivory Coast oo uu kaga qayb-galay shir-sannadeedka Baanka Horumarinta Afrika, ayaa sheegay in xukuumadda Somaliland wakhtigan wada-hadallo ay ku kala xulanayso kula jirto Shirkadda Faransiiska laga leeyahay ee Ballore, shirkadda fadhigeedu yahay magaalada Geneva ee Mediterranean Shipping Company (MSC) iyo shirkadda DP World oo saldhiggeedu yahay magaalada Dubai ee dalka Isu-tagga Imaaraadka Carabta.
Maxamed-Biixi-Yoonis1

“Saddexdaasi waa kuwa ugu waaweyn shirkadaha ku shaqada leh Maamulka Dekedaha ee xilligan danaynaya horumarinta dekedda Berbera. Dhammaantoodba wada-hadallo ayaanu la yeelannay,” ayuu yidhi wasiirka oo Arbacadii waraysi siiyey Wakaaladda Wararka ee Reuters xilli uu ku sugnaa shirka Baanka Horumarinta Afrika oo ka socda dalka Ivory Coast.

Wasiir Biixi oo hadalkiisa sii watay, wuxuu yidhi, “Laakiin ilaa hadda go’aan maanu gaadhin, waxaanu ku hawlannahay sidii aanu u daraasadayn lahayn dhinac kasta.”

Waxa uu wasiirku ku sheegay waraysigan in ujeeddada qorshaha Horumarinta Dekedda Berbera tahay sidii ay u noqon lahayd marin-ganacsi badeecaduhu uga soo dagaan, ugana dhoofaan dalalka Geeska Afrika, gaar ahaan dalka Itoobiya oo dhaqaalihiisu koboc ballaadhan samaynayo sannadba sannadka ka Dambeeya.

Dalka Itoobiya oo ka mid ah waddamada qaaradda Afrika ee aan lahayn Badda, ayaa baahi-weyn u qabta marin-ganacsi ka qayb-qaata koboca dhaqaalahooda, waxaanu wakhtigan si xooggan ugu tiirsan tahay dekedda Jabuuti

“Ma doonayaan in baahidoodu (Itoobiya) ku xidhnaato meel kaliya,” Sidaas waxa yidhi Wasiir Maxamed Biixi, waxaanu intaas ku daray in Somaliland heshiis is-faham la saxeexatay Dowladda Itoobiya sidii dekedda Berbera u noqon lahayd marin badeecaduhu u soo maraan, ugana dhoofaan.

“Tani waxay u baahan tahay in la hirgeliyo Mashruuca Berbera Corridor oo ah Waddo isku xidha Berbera ilaa Xuduudka Itoobiya. Sidoo kale, waxaanu ka fekeraynaa sidii loo samayn lahaa waddo Tareen,” ayuu yidhi Maxamed Biixi.

Dhinaca kale, Wasiirka Arrimaha Dibaddu waxa uu ka hadlay wada-xaajoodka Somaliland iyo Soomaaliya oo uu sheegay inay rejaynayaa sidii dib loogu bilaabi lahaa bilaha soo socda, waxaanu baaq u jeediyey waddamadii u horreeyey bilaabay dhex-dhexaadin labada waddan inay mar kale ku soo laabtaan isla markaan qayb ka noqdaan geeddi-socodka wada-xaajooyada.

“Markii aanu wada-xaajoodyada bilownay, waxa nala joogay Norway, UK, Midowga Yurub. Sidaa awgeed, waxaanu dalalkaas waydiisanaynaa inay mar kale ku soo laabtaan oo ay ka qayb-qaataan dhex-dhexaadinta,” Sidaas ayuuu yidhi Md Maxamed Biixi.

Leave a Reply

Your email address will not be published.

Advertise with us: Contact: harbi_31@hotmail.com