Safaarada Somaliland ee dalka Itoobiya, ayaa u guurtay dhisme casriya oo meeqaam ahaan la siman Safaaradaha caalamka ee ku yaala Addis-ababa. (daawosawiro)

(Addis-ababa)

(M S L)Safaarada Somaliland ee dalka Itoobiya, ayaa u guurtay dhisme casriya oo meeqaam ahaan la siman Safaaradaha caalamka ee ku yaala Addis-ababa. Dhisman oo u qalma Saafarada Somaliland isla markaana ay u dhanyihiin dhammaan qaybihii kala duwanaa ee adeega safaaradu qabato, waxaa qoraal uu kaga hadlaayo habkii ay ugu suurto gashay soo dhigay bartiisa Facebook-ga, Safiirka Somaliland u fadhiya Caasimada Itoobiya Maxamuud Aadan  Jaamac. Qoraalkaas oo u dhignaa sidan.

“Safaaradda Jamhuuriyadda Somaliland – Waxaan filayaa in ay Safaarad ahaan iminka u dhiganto Safaaradaha kale ee beesha caaalamka qaarkoodna ay ka muuq iyo arag roontahay. Ileen “hugaaguna wuu kula shir tagaaye”. Markii xilka lay dhiibay ee aan imi Addis Ababa xafiis Liaison Office ah bay u meesha ku lahayn. Mùuqaalka xafiiskaa horena waxaan filayaa in dadka badankiisu arkay. Maanta waa Permanent Diplomatic Mission waxaana dowladda Itoobiyi ku qortay afar askari oo 24hrs ilaaliya sida Safaaradaha dowladaha caalamka ee la aqoonsan yahay. Inkastoo howl weynu gashay qabyano aanay si howl yar u dhammaanin, haddana waa gallad Illahay howshu halkay marayso iyo sansaanka muuqda.”