Taliska Ciidanka Booliska Somaliland Oo Ka Hadlay Magafayaal Ay Qabteen Iyo Xadhiga Sheekh Aadan Cabdiraxmaan Warsame(Aadan Sune)
Taliyaha Ciidamada booliska somaliland sareeye Guuto Cabdilaahi Fadal Iimaan oo ay wehelinayaan Afhayeenka Guud Ee Ciidamada booliska ahna Taliyaha Ciidamada Nabad galyada Wadooyinka Somaliland Gaashaanle Sare Faysal Xiis ayaa maanta si wada jir ah uga war bixiyey magafayaal dhalinyarada tahriibaya oo magaalada Hargeysa ku sugan iyo xadhiga sheekh Aadan Sune oo ka mid culimada dalka.
Ugu horayn waxa shirkan jaraa,id ka hadlay taliyaha ciidamada booliska somaliland Sareeye Guuto Cabdilaahi Fadal Iimaan, waxaanu sheegay inay ciidamada amaanka galiyeen heegan culus waxaanu hadalkiisa ku bilaabay “Dhamaan Ciidanka Boolisku Wuxuu ku jiraa Heegan Buuxa Iyagoo Kaashanaaya Shacabkooda, labadan todobaad ee u dambeeyay ciidanku wuxuu qaaday hawl galo culus
waxaanu ku soo qabanay niman loo yaqaan magafayaal oo ah kuwa dadka tahriibiya oo horena sharciga loo hor geeyay Qaarkood waxayna ka kooban yihiin 22 Xubnood intaanu imika gacanta ku hayno, Nimankan oo ah kuwa dhalinyarada lacagta ka gura ayaa dhamaantood waxaanu ka soo saaray sawiro iyo waraaqo foojari ah, hawl galanada kuwo jooganaya maaha waxaan u digayaa gaadiidka lagu qabto in ay la kulmi donaan talaabo culus oo sharciga waafaqsan.” Ayuu yidhi taliya Fadal.
Sidoo kale taliyaha ciidamada booliska somaliland ayaa fariin u diray guud ahaanba ciidamada amaanka waxaanu mar kale yidhi “Ciidanka Booliska Waxaan farayaa inay amniga sidii ay u ilaalin jireen ka sii laba laabaan maadama oo 18-kii May inagu soo socoto, waxaanan leeyahay shacabkana kaashada.”
Taliye Fadal Oo Hadlkiisa Sii Wata ayaa intaas raaciyey “Aniga ooh ore ugu sheegay shacabka somaliland gaar ahaan kuwa gobolka Maroodijeex inay si diwaan geliyaan maadaama oo ay diwaan gelintii socoto.”
Sidoo kale taliya Cabdilaahi Fadal ayaa ka hadlay dhalinyarada habeenkii rabshadaha sameeya waxaanu yidhi “ fariin ayaan u dirayaa waalidiinta dhashay dhalinyarada rabshada ka sameeya magaalada dhexdeeda ee abuuraya amni darada, waxaan leeyahay hadaad waxa ka qaban waydaan ubadkiina ciidanka ayaa gacan bira waxa kaga qaban doona.”
Dhinaca kale afhayeenka ciidamada booliska somaliland Faysal Xiis oo ka hadlay shirkan jaraa,id ayaa ka hadlay xadhig loo gaystay Sheekh Aadan Sune oo ka mid ah culimada dalka waxaanu yidhi “Waxaan halkan idiinka sheegaynaa in xalay oo ay bishu ahayd 2 saacaduna ahayd 12:20 habeenimo, ciidanka boolisku waxay soo qabteen oo ay xarunta C.I.D ku xidheen Sheekh Aadan Sune, sheekhaasi waxa uu ku kacay falal nabad galyo daro oo khatar ku ah bulshada somaliland, Hadhow baad iska odhan doontan sheekh baa la iska soo xidhay, la iskama soo xidhin ee dariiqii sharciga ahaa baa loo maray danbigaas uu galay kiiskiisa waa la baadhayaa, warqada qabashada maxkamada ayaa u soo jartey oo uu ku xidhan yahay waxaana deg deg loo hor geyn doona maxkamada ” ayuu yidhi Gashaanle sare Faysal Xiis afhayenka ciidamda booliska Somaliland.
Sidoo kale afhayeenka ciidanada booliska somaliland oo ah taliyaha qaybta ciidanka nabad galyada wadooyinka somaliland ayaa fariimo wadayaasha baabuurta waxaanu yidhi “Dhinaca kale waxaanu fariimo adag u diraynaa dhamaan wadayaasha baabuurta siiba booyahada dukhaanka iyo basaska waxaanu leenahay waa in aad muujisaan feejignaan wayn