Maxamed Ibraahim warsame hadraawi Dibadyaal | 27/7/1981.
“Dadka aad ka dhalatiyo
Dalka aad u dhalatiyo
Nin la yidhi danta u tali,
Hanad laga dabqaatiyo
Diric iyo fariid noqo,
Dibindaabyo ka ogow,
Duco iyo xusuus iyo
Duug aad ka dhaxashide
Xilka daacad ugu hay,
Ha dullayne gaadhsii
Meeshay daraaddeed
U galeen dagaalkii
Diiftiyo kulka lahaa,
Dibudhaca ka maaree,
Dumar iyo rag hawlgali,
Kartidooda deeqsii,
Derejow sugnaato
Guul baa u dagatee,
Alla doori saw kaa
Darka jiidhay Maaweel!
Waxan dooddi kaga baxay
Hadalkana ku daa idhi,
Nin dab liqay Rashiidow
Dhuxul buu ka daacaa!
Ma darmaanta booddee
Didday baan u jeedaa?
Ma daliilka muuqdiyo
Dhamac hoos ka darartoo
Is dallaallimaysiyo
Danbas baan aqaannaa?
Halka Deyr wakhtigu dhigo
Dib baa looga sheekayn
Ka-daraa u magac bixin!”
– Dibadyaal | 27/7/1981.