Wafti Uu Hoggaaminayo Madaxweyne Ku-Xigeenka Puntland Oo Soo Gaadhay Degmada Taleex Ee Gobalka Sool Jawaab La’aanta Xukuumada Somaliland.
(maantasomaliland):-wararka naga soo gaadhaya degmada taleex oo katirsan gobalka sool ayaa Waxaa goor dhaweed soo gaadhay wafti uu hogaaminayo madaxwene ku-xigeenka maamulka gobaleedka Puntland, Jen. C/samad Cali Shire.
Wafdigan ayaa waxaa horudhac u ahaa tiro ciidamo ah oo u badan beesha uu kasoo jeedo Madaxweyne ku xigeenka oo todobaadkii tagay la keenay nawaaxiga magaalada Taleex si ay u sugaa amnigiisa.
Gen.Cabdisamad Cali Shire oo isagu ahaa Taliyihii Ciidamada Puntland ee Darawiishta xiligii ay Somaliland la wareegtay magaalada Laascaanood.
U jeedada safarkiisan ayaa la sheegayaa in ay xukuumada Puntland ku dooneyso in ay markale galaan gal ku yeelato arrimaha gobalka sool ee ay ka arimiso Somaliland, iyadoo ay doorashooyin ku soo fool leeyihiin maamulka puntland kahor intaan la gaadhin bisha Janaayo 2014.
Degmada taleex ayaa ah degmo qadiimi ah oo ay xurgufo badani ka jiraan iyo waliba cidii ka arimin lahayd , iyadoo xukuumada Somaliland-na ay ka gaabisay siday u gaadhi lahayd degmada taleex oo ay ugu fidin lahayd maamulkeeda.
Ma jiro wax war ah oo kasoo baxay xukuumada Somaliland imaatinka madaxwayne ku xigeenka puntland ee u ku soo cago dhigtay degaano katirsan Somaliland.
xuseen xarbi
maantasomaliland
hargaysa/office
email/xuseenxarbi@gmail.com
tel:0634052413