Laascaanood (maantasomaliland) Mar.19, 2011 –  Dadka ku nool Magaalada Laascaanood ee xarunta gobolka Sool, ayaa cadho weyn ka muujiyay bandow ay ku soo rogtay xukuumada Somaliland, ka dib markii  saddex habeen ka hor dablay hubaysani toogasho ku dishay guddoomiyihii maxkamada racfaanka ee gobolka Sool.

Bandoogan ayaa  soconaya 6-da fiidnimo ilaa 6-da subaxnimo, kaas oo dadka ku fasirayaan in uu yahay mid lagu cabudhinayo xoriyadooda dhaqdhaqaaqa, iyada oo boqolaal ciidamada booliska Somaliland ah lagu arkayo wadooyinka  iyo goobaha kale ee Magaalada, sida ay khadka  Telefoonka ugu xaqiijiyeen shabakeda wararka ee  Ramaasnews ee  qaar ka mida shacabka Magaalada Laascaanood.

Dhanka kale wararka ka imanay Magaalada Laascaanood ayaa sheegaya in  boolisku ay  gacanta ku dhigeen dhalinyaro lagu tuhunsanyahay dilkii guddoomiyhii maxkamada racfaanka oo waji deganaansho la’aan ah ka abuuray  guud ahaan gobolkaas.

maxamed cali

laascaanood