April 14th, 2011 Hargeysa (maantaSomaliland.com)- Guddoomiyaha xisbiga tallada haya ee KULMIYE Md. Muuse Biixi Cabdi ayaa iska fogeeyay eedo la xidhiidhay inuu ka dambeeyay dhalinyaro xalay rabshado ka sameeyay xaflad lagu qabtay Huteelka Maansoor ee Magaalada Hargeysa oo taageero loogu raadinayay furashada ururada siyaasada.

Guddoomiyaha KULMIYE Oo Beeniyay In Xisbigiisu Ka Dambeeyay Xubno Rabshado Ka Sameeyay Xaflad

April 14th, 2011
Hargeysa (maantaSomaliland.com)- Guddoomiyaha xisbiga tallada haya ee KULMIYE Md. Muuse Biixi Cabdi ayaa iska fogeeyay eedo la xidhiidhay inuu ka dambeeyay dhalinyaro xalay rabshado ka sameeyay xaflad lagu qabtay Huteelka Maansoor ee Magaalada Hargeysa oo taageero loogu raadinayay furashada ururada siyaasada.
Muuse Biixi, waxa uu sheegay inaanu xisbigiisu shuqul ku lahayn kana dambayn rasbashado xalay ka dhacay xafladaasi waxaanu tilmaamay inuu ka xun yahay wixii ka dhacay madashaasi.
Guddoomiyaha KULMIYE waxa oo maanta u waramayay qaar ka mid ah warbaahinta waxa uu ku dooday in xisbigiisu ay ka dhursugayaan tallo soo jeedinta Guddida qaran ee Madaxweynuhu arrintaasi u xil saaray inay ka soo tallo bixiyan in la furo ururada siyaasada iyo in kale.
Maxamed Cumar Carte, oo ka mid ah aqoon yahanadii soo qaban qaabiyay xafladii xalay ayaa BBC-da u sheegay in qaskii ay ka sameeyeen koox dhalinyaro ahi ay ka dambeeyeen xubno ka tirsan xisbiga KULMIYE oo aanu magacaabin kuwa ay yihiin.
Waxa kale oo uu ammaan u soo jeediyay ciidammada Booliska oo tallaabo ka qaaday xubnihii dagaalka ka dhex abuuray xafladaas
xuseen xarbi
hargaysamaantasomaliland.com