Wardeg deg ah.Laba dhalinyaro ah ayaa galabta ku dhintay magaalada Hargeysa ka dib markii uu ku soo dumay gidaarka Garoonka kubadda cagta ee Hargeysa

(maantasomaliland.com) Laba dhalinyaro ah ayaa galabta ku dhintay magaalada Hargeysa ka dib markii uu ku soo dumay gidaarka Garoonka kubadda cagta ee Hargeysa Stadium oo ay galabta ka jirsanayeen roobkii ka da’ay magaalada.

Dhalinyaran ayaa ku dhintay markii uu soo dumay gidaarkii ay roobka ka galeen waxaana halkaasi ku dhaawacmay laba kale, sida uu shabakada wararka ee maantasomaliland.com u xaqiijiyay Xildhibaan Axmed Maxamed Diiriye (Nacnac) oo ka mid ah Mudaneyaasha Golaha Wakiilada.

“Waxa galabta roobkii ka da’ay Magaalada Hargeysa uu sababay dhimashada laba dhalinyaro ah oo walaalo ah, laba kalena way ku dhaawacmeen ka dib markii ku soo dumay gidaarkii Garoonka Stadium Hargeysa oo ay ka galeen roobkii ayaa gidaarka albaabka bari ku soo dumay,”

ayuu yidhi Xildhibaan Axmed Maxamed Diiriye (Nacnac).
Xildhibaanku waxa kale oo uu sheegay in labada wiil ee kale eek u dhaawacmay gidaarkan dumay mid ka mid ahi uu culus yahay.
Labada wiil ee dhintay waxa la dhigay qolka Maydka ee cisbitaalka guud ee Hargeysa, halka kuwa dhaawacmayna la dhigay qeybta gargaarka deg dega ah ee cisbitaalka.

Dhinaca kale, roobkii galabta ka da’ay caasimada Hargeysa oo dabayl watay ayaan la sheegin wax khasaare kale ah oo uu geystay.

xuseen xarbi
maantasomaliland.com/hargaysa/office
harbi_31@hotmail.com