Golaha Guurtida oo Xeerka Isgaadhsiinta ku soo dartay Ajandaha Kalfadhigooda 44-aad ee shalay furmay

Golaha Guurtida oo Xeerka Isgaadhsiinta ku soo dartay Ajandaha Kalfadhigooda 44-aad ee shalay furmay

Hargeysa (Somaliland.com )-Mudaneyaasha Golaha Guurtida Somaliland ayaa maanta loo qeybiyay nuqulada ajandaha kalfadhigoodan 44-aad ee shalay u furmay, waxaana maanta loo qeybiyay Xildhibaanada ajande ka kooban 9 qodob oo Goluhu wax ka qaban doono mudada ay ku gudo jiraan kalfadhigan.

Ajandaha mudaneyaasha loo qeybiyay waxa ku jira ansixinta xeerka isgaadhsiinta oo hore Golaha Wakiiladu u ansixiyeen hase yeeshee ay dad badani ku tilmaameen mid sharci darro ah oo ka hor imanaya qodobo dastuuri ah.

Waxa kale oo ajandaha ka mid ah doodo Goluhu ku faaqidi doono arrimaha siyaasada gudaha,dibada, ganacsiga iyo nabadgelyada.

Ajandaha kal-Fadhiga 44aad ee Golaha Guurtida ayaa u qornaa sidan:-

1-Warbixinta Shir-Gudoonka.
2-Warbixinta Guddida Joogtada ah.
3-Xaaladda Siyaasaddeed ee Dalka:-
I. Gudaha.
II. Dibadda
4-Xeerarka ka soo Gudbay Golaha Wakiilada.
I. Xeerka Isgaadhsiinta.
5-Arrimaha Nabadgelyada:-
II. Doorka Golaha kaga Aadan Sugida Amniga & Horumarineed ee Gobolada Sool,Sanaa-Bari &Buuhoodle.
7-Arrimaha Bulshada:-

I. Caddaalada & Garsoorka.
8-La kulanka Masuuliyiinta Qaranka:-
I. Wasiirka Arrimaha Dibadda.
II. Wasiirka Ganacsiga.
9-Wax-yaabo kale (Any other Business).”

Guddoomiye Ku Xigeenka labaad ee Golaha Md. Siciid Jaamac Cali oo gudoominayay fadhigan maanta ayaa gabo gabadii Mudaneyaasha ku wargeliyay inay soo naaqishaan ajandaha loo qeybiyay si ay ugu doodaan.
xuseen xarbi
hargaysa
maantasomaliland.com