Sh. Aadan Xaaji Maxamuud Xiiray, ayaa maanta khubaddii salaada Jimcaha ee Masaajidka Xawaadle ee Magaalada Hargeysa kaga hadlay booqashadii Madaxweynaha Somaliland Md. Axmed Maxamed Maxamuud (Siilaanyo uu xalay ku soo maray qeybo ka mid ah suuqyada,mukhaaxiyaha iyo wadooyinka ku yaala magaalada Hargeysa.
Sh. Aadan Siiro Oo Madaxweynaha Ku Bogaadiyay Booqashadii uu ku soo maray Hargeysa
Hargeysa (maantaSomaliland.com)- Sh. Aadan Xaaji Maxamuud Xiiray, ayaa maanta khubaddii salaada Jimcaha ee Masaajidka Xawaadle ee Magaalada Hargeysa kaga hadlay booqashadii Madaxweynaha Somaliland Md. Axmed Maxamed Maxamuud (Siilaanyo uu xalay ku soo maray qeybo ka mid ah suuqyada,mukhaaxiyaha iyo wadooyinka ku yaala magaalada Hargeysa.
Sheekh Aadan Siiro waxa uu Madaxweynaha ku bogaadiyay tallaabadan oo uu ku tilmaamay sifooyinka wanaagsan ee Hoggaamiyeyaasha Islaamka laga doonayo. Waxaanu xusay in madaxweynuhu booqashadan ku darsayay inuu xog ogaal u noqdo xaalada nololeed iyo nabadgelyo ummaddiisa.
Sheekhu waxa uu intaasi ku daray in Madaxweynuhu uu galay meheradaha dadka danyarta ahi ka cunteeyaan oo uu wax ka weydiiyay nolashooda taasina ay dadkii halkaasi ku sugnaa ay aad ugu diirsadeen.
Sh, Aadan waxa uu Madaxweynaha uga mahad celiyay booqashadan oo uu xusay inay meesha ka saarayso inuu madaxweynuhu noqdo mid wararka loogu geeyo gurigiisa oo qudha.
xuseen xarbi