Hargeysa (maantasomaliland.com)- Guddida joogtadda ah ee Golaha guurtida Somaliland ayaa Maanta Kulan is xog waraysi ah la yeeshay Wafti Haween Xidhibaano Jabuutiyan ah, Kulankaasi ayaa ka dhacay Xarunta Golaha Guurtida ee Somaliland, waxana shir gudoominayay Gudoomiyaha ku xigeenka Golaha Guurtidda Somaliland Axmed sheikh Nuux Furre. diyaariye gudoomiyaha shabakada wararka ee maantasomaliland.com xuseen xarbi+sawirkii
diyaariye gudoomiyaha shabakada wararka ee maantasomaliland.com xuseen xarbi
Hargeysa (maantasomaliland.com)- Guddida joogtadda ah ee Golaha guurtida Somaliland ayaa Maanta Kulan is xog waraysi ah la yeeshay Wafti Haween Xidhibaano Jabuutiyan ah, Kulankaasi ayaa ka dhacay Xarunta Golaha Guurtida ee Somaliland, waxana shir gudoominayay Gudoomiyaha ku xigeenka Golaha Guurtidda Somaliland Axmed sheikh Nuux Furre.
diyaariye gudoomiyaha shabakada wararka ee maantasomaliland.com xuseen xarbi
Gudoomiye ku xigeenka Kowaad ee golaha Guurtidda Somaliland Mudane Axmed Sheikh Nuux Furre oo ka hadlay madashaasi ayaa sheegay in uu ku faraxsan yahay kulankan, waxana uu si weyn ugu mahadceliyay waftigan ”Waad Mahadsantihiin Hawshaas ee aad isku xil qaanteen ee Somaliland ku timaadeen ee aad hawlahaas oo dhan isku xil saarteen oo aad ku marten haayadaha dawladda oo dhan, waana kow wafti haween ah oo yimaadda dalka, oo waliba ka yimaadda jabuuti, waxna la ydihaaddaa haweenku waa ka daacadsan yahay raga, waxana aan qabaa in fariimaha laydiin dhiibo waxba aydin ka hagaranayn, waxana aan filayaa intii aydin joogtaana in aydin wax kasta ku sii ogaateen” ayuu yidhi Gudoomiye ku xigeenka Kowaad ee golaha guurtidda Somaliland.
Guddomiyaha Guddida Joogtada aha ee Golaha Gurtida Maxamud Aw Axmed isna madashaasi ka hadlay ayaa sheegay in Golaha guurttiddu uu si weyn u soo dhoweenayo Haweenkasi Xildhibanada ah, waxanu uga Xog waramay Soo Yaalkii Taarikheed ee Somaliland ay soo Martay, iyo Marxaladihii kala duwanaa ee Golaha Guurtida Somaliland kala Soo Dabaashen Somaliland, waxanu Xusay in Golaha Guurtidu yihiin Laf dhabarta Somaliland, isaga oo intaasi ku daray in ay Guurtidu Xaliyaan Khilaafadka Siyaasadeed ee Somaliland dhexe Mara, “Golaha Guurtida ee Somaliland waxa uu Soo maray Marxalado Baban, waxanu ahaa Aasaska Somaliland, Golahani siyaasada Ma Dhexe Galo, Waxa uu Xaliyaa wixii Dhibaato ah ee Soo Kala dhex gala Beelaha Somaliland,”Ayuu yidhi Maxamud Aw Axmed.
Dhinca kale waxa iyaduna halkaasi ka hadashay Afhayeenka Xildhibanada Haweenka Jabuuti Caasha Maxamed Rooble waxayna ay mahadnaq balaadhan usoo jeedisay masuuliyiinta Somaliland, waxana ay intaasi ku dartay in si fiican oo niyad sami ah ay kala kulantay shacabka iyo Dawladda Somaliland, waxana ay si adag ugu nuuxnuuxsatay nabadda iyo Xasilinoodi ka jirta Somaliland.
Si kastaba ha ahaatee Haweenka Xildhibaanadda jabuuti oo ka kooban Shan Haween oo Xildhibaano ah ayaa dalka ku sugnaa Muddo Saddex Maalmood ah, waxana ay kulmo kala gadisan la qaateen qaar ka mid ah laamaha dawladda, balse waxa la filayaa in maalinimadda Bari ah ay dalka dib uga noqon doonaan.
xuseen xarbi