Agaasimihii Xafiiska Xidhiidhka Dadweynaha Oo Is Casilay
Hargeysa (msl) Agaasimihii xafiiska xidhiidhka dadweynaha Cismaan Cabdi Cismaan (Cismaan Awr Liqe) ayaa maanta xilkii iska casilay.
Agaasimaha ayaa is casilaadiisa ku shaaciyey shir jaraa’id oo uu ku qabtay magaalada Hargeysa, isaga oo aan cadayn sababta keentay in uu iskaga tago xilkii uu dawladda ka hayey.
Nuqulka warqadiisa iscasilaada ayuu u gudbiyey wasaaradda Madaxtooyada, iyada oo warqaduna u dhignayd sidan
WASAARADDA MADAXTOOYADDA
Xafiiska siyaasadda xidhiidhka Golayaasha iyo Dadwaynaha .
waaxda xidhiidhka Dadwaynaha (Puclic Relation Office)
Ku:Wasiirka Madaxtooyada Jamhuuriyad Somaliland
Og:Madxwaynaha Jamhuuriyada Somaliland
Og:Dhamaan saxaafada madaxa Banaan
Ujeedo :Codsi shaqo ka tagis
Mudane Wasiir aniga oo aad kuugu mahad naqaya mudadii aynu wada shaqaynaynay,waxaan go,aansaday in laga bilaabo maanta oo ay bishu tahay 19/02/2013 aan joojiyey kana tagay shaqadii aan ka hayey madaxtooyada oo ahayd madaxa xafiiska madaxa xafiiska xidhiidhka dadweynaha .
Sababaha aan uga tagay dib ayaan ka soo sheegidoona mar ay ku haboontahay .
FG: Waxaa jira Baabuur aan wato oo uu ku xidhan yahay Numberka gaadiidka dawladda oo ah GT 1217, kaas oo aan lacagtiisa lawada bixin, anigoo gacantana ku hayn doono ilaa lacagtiisa la bixinayo, maxaa yeelay tu aan anigu leeyahay ayaa ku jirta .
Agaasimaha xafiiska Xidhiidhka dadwaynaha .
Cismaan Cabdi Cismaan .