Xubin Ka Tirsan Golaha Dhexe Ee Kulmiye Oo Ku Dhawaqay In Uu U Taagan Yahay Gudoomiye Ku Xigeenka 1-Aad
(MSL-Hargeysa) Saalax Guure Amalle oo ka mid ah Xubnaha Golaha dhexe ee Xisbiga talada haya ee Kulmiye, ayaa codkiisa ku biiriyey musharixiinta u tartamaya xogaanka sar sare ee kulmiye isagoo sheegay in uu u tartamayo Guddoomiye kuxigeenka Xisbiga talada haya ee Kulmiye.
Saalax Guure Amalle oo Warsaxaafadeed kooban soo saaray oo uu kaga hadlayo hankiisan, ayaa sheegay inuu u sharaxan yahay Guddoomiye kuxigeenka Koowaad ee Xisbiga Kulmiye, marka la gaadho Shirweynaha Xisbiga Kulmiye ee la filayo in la qabto wakhtiyad I nagu soo foolka leh,
Warsaxaafadeedkan waxa uu u dhignaa sidan: “Anigoo ah Saalax Guure Amalle oo ka mid ah Golaha dhexe ee Xisbiga Kulmiye, Waxaan maanta oo taariikhdu tahay 26/02/013, halkan ka cadaynayaa in aan u sharaxanahay Guddoomiye kuxigeenka koowaad ee Xisbiga Kulmiye, madaama oo aan ahay xubin xaq u leh in ay isu soo taagto Xilkan kana tirsan Xisbiga Kulmiye.
Sidoo kale, waxa aan la socodsiinayaa murashaxnimadaydan dhamaanba maamulka Xisbiga Kulmiye.”
XUSEEN Xarbi
Hargeysa office.