Madaxwayne Siilaanyo oo Dhanbaal hambalyo u diray Madaxwaynaha Jabuuti Ismaaciil Cumar Geele
Madaxwayne Siilaanyo oo Dhanbaal hambalyo u diray Madaxwaynaha Jabuuti Ismaaciil Cumar Geele.
Aniga oo la socda in uu jamhuuriyadda Djibuti ka socdo dhaqdhaqaaq qiimo weyn ugu fadhiya oo laagu diyaar garoobayo doorashada
War-Saxaafadeed Date: 22/01/2011
Madaxweynaha JSL Mudane: AXMED MAXAMED MAXAMUUD (SIILAANYO) wuxuu Dhambaal Hambalyo iyo bogaadin ah u dirayaa Madaxweynaha Jamhuuriyada Jabuuti Mudane Ismaaciil Cumar Geelle oo uu ku Hambalyeeynayo Doorashada mar kale loo doortay inuu noqdo Murashaxa Madaxtinimada Jamhuuriyada Jabuuti ee Xisbiyada Bahoobay.
Madaxweynuhu waxa uu Dhambaalkiisa ku yidhi Mudane Madaxweyne Aniga oo la socda in uu jamhuuriyadda Djibuti ka socdo dhaqdhaqaaq qiimo weyn ugu fadhiya oo laagu diyaar garoobayo doorashada madaxtinimada dalka oo dhawaan dhici doonta waxaan adiga,madaxda kale ee xisbiyada ( RPP,FRUD, PSD IYO UPR) ku bahoobay xisbiga UMP iyo shacbiga weynaha reer Djibuti ee taageeraba ku bogaadinayaa doorashada uu xibigu kuu doortay inaad noqoto murashaxa xibiga ee madaxtinimada dalka.waxaan kuu rajaynayaa guul.
Dhambaalka Madaxweynuhu waxa uu shacbiga iyo xisbiyada jamhuuriyada Djibuti kula dardaarmay inay wadajir uga wada shaqeeyaan sidii ay doorashadu u noqon lahayd tartan walaanimo oo caafimaaad qaba.
Ugu dambayna madaxweynuhu waxa uu madaxweynaha shacbiga iyo Djibuti u rajaynayaa guul,bash-bash iyo barwaaqo.
ALLAA MAHAD LEH
Cabdillaahi Maxamed Daahir ( Cukuse )
Af-hayeenka Madaxtooyada JSL.