Madaxweynaha Jamhuuriyadda Somaliland Md. Axmed Maxamed Maxamuud (Siilaanyo) ayaa codsi ku saabsan wakhtiga ay gudida doorashooyinka somaliland u cayimeen Doorashooyinka Madaxtinimada Iyo Golaha Wakiilada u gudbiyay Golaha Guurtida Somaliland.
Soo jeedintan oo ku taariikhaysan 22-ka April, 2015 oo ay hadhwanaagnews nuqul ka mid ah heshay ayaa u dhignaa
Ujeedo:- Gudbin soo jeedinta Doorashooyinka Madaxtooyada Iyo Golaha Wakiilada 2015.
Mudanayaal,
Waxaan si sharaf iyo qadarin mudan idiinku soo gudbinaynaa qoraalkan Gudidda Doorashooyinka Qaranka ee sumadiisu tahay KDQ/XK/406/2015, ee ku taariikhaysan 22/04/2015, ujeedadiisun tahay Doorashada Madaxtooyada Iyo Golaha Wakiilada oo ay cadeeyeen in aanay ku qaban karin xiligeedii. Sidaa daradeena ay soo gudbiyeen wakhtiga ay ku qabaan karaan doorashada
Madaxtooyada Iyo Golaha Wakiilada JSL .
Haddaba waxaan Mudanayaal idiin soo jeedinayaa in aad ka gudataan waajibaadkiini Dastuuriga ah
Axmed Maxamed Siilanyo
Madaxwaynaha Jamuuriyada Somaliland