(war deg deg ah)Ciidamada Somaliland Oo Caawa U Ruqaansaday Dhanka Magaalada Buhoodle Iyo Maleeshiyadii Weerarka Soo Qaaday Saaka Oo Isaga Baxay Halkaas.
Buhoodle (maantasomaliland)Wararka imanayaa deegaanka Sooljoogta oo ka tirsan degmada Buhoodle, ayaa sheegaya in ciidamada Milatariga Somaliland , ay u ruqaansadeen dhanka Magaalada Buhoodle oo ah xudunta kooxaha ciidamada weerarada gaadmada ah ku soo qaada ay ku sugan yihiin.maleeshiyooyin is baahaysday.
Ciidamadu waxa ay qorshaynayaan sidii ay si buuxda gacanta ugu dhigi lahaayeen Magaalada, isla markaana ay cagta u marin lahaayeen saldhigyada falaagada, si meesha looga saaro weerarada gaadmada ah oo noqday kuwo joogta ah, waxaana la sheegay in ay galabta Magaalada ka caraabeen maleeshiyadii saaka ciidanka soo hujuuntay.
Waxaana ay kooxdaas fooda saareen dhanka Koonfur Bari Buhoodle iyaga oo ku sii jeeda dhulka Bariga gobolka Sool, gaar ahaan Tukaraq oo saldhig u ah kooxo mucaarad ku ah Somaliland , kuwaasoo taageero ka helo maamul goboleedka Puntland,laakiin aan lahayn awood ciidan lahayn oo xoog leh.
Ruqaansiga ciiidamada ayaa ku soo beegmaya xilli Madaxweyne Siilaanyo sheegay in uu doonayo in mushkilada Buhoodle, xal nabadeed lagu soo afjaro, isla markaana uu ka xun yahay dhimashada soo gaadhay dadka rayidka ah.
Iyada oo dhanka kale Garaadada beelaha dega Sool iyo Buhoodle ku baaqeen dagaal ka dhan ah Somaliland, iyaga oo aan tixgelin wada noolaanshaha ummada ku wada nool jidaas, isla markaana aan qaadan doorka hogaanka dhaqanka ee nabad raadinta
h.m.l
buuhoodle