FAAHFAAHINTA KHASAARAHA KA DHASHAY GAADHI JIIDHAY DAD SALAADII CIIDA KA SOO DAREERAY DALKA INGIRIISKA
Lix qof oo ay ku jiraan saddex caruur ahi ayaa dhaawacmay ka dib markii baabuur jiidhay dad badan oo ka soo baxayey garoon ku yaal magaalada Newcastle ee dalka Ingiriiska.
Shilkani wuxu dhacay qiyaastii 09:14 subaxnimo saacadda London waxaanay goobta dadka baabuurku ku jiidhay tahay garoonka Westgate oo ay ka soo dareereen salaaddii Ciidda oo ay halkaa ku tukadeen ka dib.
Booliska ayaa sheegay in ay haweenay 42 jir xidheen oo ay gacanta ku hayaan.
Qof goob joog ahaa ayaa
BBC-da u sheegay in haweenayd waday baabuurku ay xakamayn kari wayday gaadhiga, taasina ay tahay sababta shilka dadku ku dhaawacmeen keentay.
Boqolaal qof ayaa goobtaa iskugu yimid si ay ugu oogaan salaadda Ciidda Soonfureed oo ay Muslimiintu u dabaal dagaan dhamaadka bisha Ramadaan.