Cigaal Shiidaad iyo Subxaanyo
Carruureey beribaa Waxa la yidhi maalinbaa Cigaal Shiidaad oo geed hoostii hurda ayay Subxaanyo dhex martay sankiisa iyo dibintiisa sare dhexdooda.
Subxaanyadu waa Mas yar oo aan waxba qaniinin, wax sun ahna lahayn.
Dabadeedna ninkii Cigaal Shiidaad intuu toosay ayuu oohin bilaabay isagoo kor u qaylinaya.
Markaasaa lagu soo yaacay oo la weydiiyey waxa uu la ooyayo.
Dabadeedna Cigaal Shiidaada baa dadkii ku soo yaacay waxuu ku yidhi:
anigoo hurda ayay Subxaanyo sankayga iyo afkayga dhexdooda martay,
markaasaa hadana la weydiiyey: miyay ku qaniintay,
markaasuu Cigaal Shiidaad yidhi
maya imay qaniinin.
Markaasaa hadana intay dadkii oo dhami la yaabeen la weydiiyey:
oo hadaa maxaad la ooyaysaa?
Markaasuu hadana isagoo weli sii ooyaya ku jawaabay:
waxaan ka baqanayaa inay sankayga iyo afkayga dhexdoodu wado halaq noqoto.