Kabtankii hore ee kooxda Real Madrid Raul: CR7 waa in uu sii joogaa Madrid, Bale wuxuu ku xigaa Messi iyo CR7
maantasomaliland):-Kabtankii hore ee kooxda Real Madrid, Raul ayaa maanta kusoo laabanaya garoonka Bernabeu, halkaas oo kooxdiisa Al-Sadd ay ciyaar saaxiibtinnimo kula yeelan doonto Real Madrid.
Ciyaartan ayaa ka tirsan Bernabeu’s Trofeo, oo sanad kasta la qabto.
Raul wuxuu sheegay in C.Ronaldo muhiim u yahay kooxda Real Madrid xilligaan, loona baahan yahay in uu heshiiska u kordhiyo oo uu waqti badan lasii joogo.
“Ronaldo wuxuu ahaa saxiixii ugu fiicnaa sanadihii u dambeeyay, wali wuu baahan yahay, wuxuu u baahan yahay guulo uu la gaaro Real, waxaan rajeynayaa in uu heshiiska kordhin doono oo uu kooxda lasii joogi doono” ayuu Raul u sheegay Marca.
Ronaldo ayaa heshiiskiisa Madrid waxaa ka harsan laba sano, waxaana jira wada-hadal gaba-gaba ku dhow oo uu Ronaldo ku kordhinaayo heshiiska.
Dhanka kale Raul wuxuu sheegay in Gareth Bale oo la xiriirinayo kooxdiisii hore uu yahay ciyaaryahan wanaagsan oo wax badan kusoo kordhin kara kooxda hadii uu kusoo biiro.
“Waa ciyaaryahan anfacaya koox kasta, wuxuu sameyn karaa farqi, waa ninka ku xiga Messi iyo Ronaldo xilligan” ayuu yiri.