Kooxaha Atletico iyo Barcelona oo isku garab dhacay, Neymar iyo Villa oo wacadarro dhigay
maantasomaliland):-Kooxaha Artletico Madrid iyo Barcelona ayaa barbardhac 1-1 ah ku kala baxay lugta koowaad ee koobka Super Cup-ka Spain oo ka dhacday garoonka Atletico ee Vicente Calderon.
Xiddiggii hore ee Barcelona oo dhawaan ku biiray Atletico ayay hayeen indhaha garoonka, waxeyna ku qaadatay 12 daqiiqo oo kaliya in uu is baro kooxdiisii hore markii uu ka dhaliyay gool qurux badan.
Villa ayaa si wacan u dabbaal-degaly markii uu gool ka dhaliyay taas oo uu horey u ballan qaaday. Waa kulankiisii u horreeyay ee uu ku ciyaaro garoonka kooxdiisa cusub ee Atletico.
Qeybta hore ee ciyaarta ayaa lagu kala maray gool ay ku higgaamineysay Atletico, waxaana dhowr fursad lumiyay Leo Messi.
Macallinka Barca ayaa kursiga keydka ku billaabay Neymar oo dhawaan kusoo biiray, balse wuxuu si lama filaan ah u beddelay xiddigga adduunka Messi qeybta hore markii ay dhammaatay.
Cesc Fabregas ayaa lagu beddelay Messi oo la sheegayo in uu jiro dhaawac yar. Waa kulankii labaad oo isku xiga oo uu macallin Tata beddelo Messi.
Neymar oo beddel kusoo galay qeybta labaad ee ciyaarta ayaa goolka barbardhaca ah madaxa ku dhaliyay markii uu laad dedab ah ka helay saaxiibkiis reer Brazil ee Dani Alves.
Ciyaarta ayaa ku dhammaatay 1-1, iyadoo lugta labaad toddobaad kadib lagu ciyaari doono garoonka Barca ee Camp Nou.
Barcelona ayaa koobkan 12 bilood ka hor ku guul-darreysatay waxaana kaga adkaatay kooxda Real Madrid.
abdikani kk