Kooxda Kubada Cagta Ee Barcelona Oo Sheegtay Inay Markaan Heli Karaan Agger
(maantasomaliland):-Kooxda kubada cagta ee Barcelona ayaa sheegtay qaabka lagu heli karo kubad joojiyaha kooxda Liverpool Daniel Agger
Barca ayaa tilmaamtay in Liverpool ay dhawaan la soo saxiixdeen labo daafac oo kala ah Mamadou Sakho iyo Tiago Ilori, iyadoona mas’uuliyiinta kooxda Catalanica ay niyada ku dhisteen in Liverpool ay haatan ka iibin doonto kooxda Barca ciyaaryahan Agger
Agger ayaa waxa uu dookha sadexaad u yahay kooxda Barcelona, iyadoona ay ka horeeyaan labada daafac ee reer Brazil ee kala ah Thigo Silva iyo David Luiz
Thiago Silva ayaa dhawaan kooxdiisa PSG qandaraas cusub u saxiixay, halka David Luiz uu isna ka dhawaajiyey in uusan waqtigaan diyaar u aheyn inuu ku biiro kooxda Barca
Liverpool ayaa sanadkaan la soo wareegatay ciyaaryahano fara badan oo ay ku jiraan labada daafacyo oo kala ah Mamadou Sakho iyoTiago Ilori iyo Kolo Toure iyadoona ay horey u joogay Marin Skartel
Barcelona ayaa in muda ah daba taagneyd saxiixa daafaca kooxda Liverpool Agger, iyadoona aan la ogeyn haatan Liverpool inay ka iibin doonto kooxda Catalanica maadaama ay dhowr daafac ay haatan ku sugan yhiin kooxda
by abdikani