Ku Xigeenkii Xoghayaha Arimaha Gudaha UCID Oo Is Casilay, Dhaliileyna Siyaasadda Xisbiga
(Hargeysa, Maanta Somaliland) – Xuseen Xasan Badmaax, oo ahaa ku xigeenka xogyaha arimaha gudaha ee xisbiga UCID, ayaa maanta sheegay inuu iska casilay xilkaasi.
Xuseen Xasan Badmaax ayaa war-saxaafadeed kooban oo uu maanta soo saaray ku sheegay inuu ka baxay xisbiga Mucaaradka ah ee UCID, isaga oo ku sababeeyay taladii xisbigaasi oo u xuubsiibatay hal qof.
Warsaxaafadeedka uu saaray ayaa u Qornaa sidatan “Waxa aan halkan ku caddaynayaa maanta oo ay taariikhdu tahay Augost 22,2013 inaan iska casilay xilkii aan u hayay xisbiga cadaaladda iyo daryeelka UCID oo ahaa ku-xigeenka xoghayaha arrimaha gudaha iyo xubinamadii xisbigaba.Waxaana u sabab ah arrimahan:
1.Siyaasada xisbiga oo noqotay mid dabar lagu xidhay.
2.Hangoolkii xisbiga oo saddex farraar yeeshay.
3. Taladii xisbiga oo u xuub siibatay “one man rule”
Allaa Mahad Leh
Xuseen Xasan Badmaax